UEFA Avropa liqasının yarımfinalında “Ayntraxt” Frankfurt “Vest Hem”İ qəbul edəcək. Komandalar arasında ilk oyun Almaniya təmsilçisinin 2:1 hesablı üstünlüyü ilə yekunlaşmışdı. Cavab matçından əvvəl baş məşqçilər mətbuat konfransında çıxış ediblər. “Vest Hem”ə rəhbərlik edən Devid Moyes komandasının ümumi hesabda geri olmasına baxmayaraq iddialı danışıb: “Doğma meydanda minimal fərqlə məğlub olduq. Lakin futbolçuların özlərinə inamı və ruh-yüksəkliyi yaxşı səviyyədədir. Bizim üçün ən çətin məqam rəqibin sürətli əks-hücumları ola bilər. Əgər bunun qarşısına ala bilsək üstünlük bizə keçəcək. Tarixi imkandan maksimum yararlanmalıyıq”.
Ayntraxt Frankfurtun uğurları üçün çalışan Oliver Qlazner bütün Almaniyanın onları dəstəkləyəcəyinə inanır: “Bu gün bütün Almaniya “Ayntraxt” azarkeşidir. Hər kəs bizə inanır. Hesabı qorumağl düşünmürük. Hücumda effektli oynamalı və müdafiəni də unutmamalıyıq. Liqadakı vəziyyətimiz heç də yaxşı deyil. Ona görə də bu turnirdə ali mükafatı qazanmaq arzusundayıq. Bu məqsədə çatmaq üçün hər cür imkanımız var.
Qeyd edək ki, Ayntraxt Frankfurt – Vest Hem görüşü bu gün saat 23:00-da başlanacaq.